Баянзүрх дүүргийн 16 дугаар хороо, Хавдар судлалын үндэсний төвийн хойд талын 59 гараашийг албадан чөлөөлөх ажил өнөөдрөөс эхэлжээ.

Нийслэлийн Засаг даргын 2021 оны 250 дугаар захирамжийн хүрээнд Баянзүрх дүүргийн 16 дугаар хороо, Хавдар судлалын үндэсний төвийн хойд талын 59 гараашийг албадан чөлөөлж байгаа бөгөөд энэхүү газарт ХСҮТ-ийн эрчимт оношилгооны лаборатори баригдах юм. Иргэдэд дөрвөн удаа шаардах хуудас хүргүүлсний эцэст өнөөдөр гараашуудыг чөлөөлж байгаа бөгөөд эзэмшигч иргэд газрыг зөвшөөрөлгүй ашиглаж байсан учир нөхөн төлбөр авахгүй аж.

Гараашийн дотор байгаа эд зүйлийг авахаар ирсэн иргэдэд хүлээлгэн өгч, авч амжаагүйг нь цагдаа байлцуулан протокол хөтөлж, журмын хашаанд хүргэх гэнэ. ХСҮТ-ийн эрчимт оношилгооны лабораторийн зураг төсөл нь гарсан" гэсэн мэдээллийг Нийслэлийн газар зохион байгуулалтын албанаас өглөө.