Сургууль, цэцэрлэгийн үйл ажиллагааг танхимын болон цахим хэлбэр хослуулан  есдүгээр сарын 1-нээс эхлүүлэх шийдвэрийг Засгийн газраас гаргасан. Энэ  шийдвэрийн дагуу нэгдүгээр ангид орох зургаан настнуудын бүртгэлийг наймдугаар сарын 16-наас цахимаар явуулахаар төлөвлөсөн тухай нийслэлийн Боловсролын газраас мэдээллээ.

  2021-2022 оны хичээлийн жилд 1515 цэцэрлэгт 232 мянган хүүхэд 854 сургуульд 718817 сурагч 75 МСҮТ-д 40165 суралцагч 88 дээд сургуульд 150100 оюутан суралцах аж. Цэцэрлэгийн насны хүүхдийн хичээл, ерөнхий боловсролын сургууль мөн адил есдүгээр сарын 1-нээс эхлэн танхимын болон танхимын бусаар хичээллэнэ.  Коллеж, их дээд сургуулийн хичээл есдүгээр сарын нэгнээс эхлэн цахимаар хичээллэнэ. Есдүгээр сарын 13-наас цахим болон танхим хосолсон хэлбэрээр явна хэмээн Боловсрол шинжлэх ухааны сайд мэдээлсэн билээ.