Наймдугаар сарын 6-8-ны өдөр Тээврийн цагдаагийн албаны жижүүрийн шуурхай удирдлагын төвд нийт 820 дуудлага, мэдээлэл иржээ. Үүнээс 540 нь зам тээврийн ослын шинжтэй аж. Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 271 зөрчил илрүүлсэн байна. Тодруулбал нийслэлд 212, орон нутагт 59 зөрчил илэрчээ. Явган зорчигч автомашинд мөргүүлэх 10 тохиолдол илэрсний найм нь гарцгүй газраар гарч байжээ.

Тээврийн цагдаагийн албанаас Нийслэл хотын хэмжээнд согтуугаар тээврийн хэрэгсэл жолоодох зөрчлийг таслан зогсоох, энэ төрлийн гэмт хэрэг ослоос урьдчилан сэргийлэх зорилгоор  хэсэгчилсэн арга хэмжээг наймдугаар сарын 06,07-ны өдрүүдэд  зохион байгуулан ажиллаж, хяналт шалгалтын хугацаанд согтуугаар тээврийн хэрэгсэл жолоодсон 167 зөрчлийг илрүүлж учирч болох эрсдэлээс урьдчилан сэргийлж, ажиллажээ