Баянзүрх дүүргийн наймдугаар хороонд улсын төсвийн хөрөнгө оруулалтаар Ахмад настан, хүүхдийн эмнэлэг барьж байна. Эмнэлгийг 2022 онд багтааж ашиглалтад оруулах төлөвлөгөөтэй байгаа аж. Тус эмнэлэг нь  100 ортой, долоон давхар орчин үеийн стандарт нийцсэн байх юм.

         Энэхүү эмнэлэг ашиглалтад орсноор эрүүл мэндийн тусламж үйлчилгээ ахмадуудад болон бага насны хүүхдүүдэд хурдан шуурхай, тасралтгүй хүрэхээс гадна, ханиад томууны үед эрүүл мэндийн байгууллагын ачааллыг хөнгөвчлөх юм. Барилгын хувьд 1982 онд цэргийн Казармын зориулалтаар гурван давхар барилга байсан бөгөөд 1993 оноос хойш Эрүүл мэндийн 15 дугаар төвийн байр болгон ашиглаж байжээ.

Эх сурвалж: Баянзүрх дүүрэг