• Өнөөдөр 2025-04-30

Амгалан амаржих газарт хөхний хавдар авах мэс заслыг анх удаа хийлээ

2021-08-07,   415

          Нийслэлийн Амгалан амаржих газраас Хавдар судлалын үндэсний төвтэй байгуулсан хамтын ажиллагааны гэрээний дагуу хөхний хавдрын мэс заслын тусламж, үйлчилгээг нутагшуулах зорилготой ажлын байрны онол, дадлага хосолсон сургалтуудыг үе шаттайгаар зохион байгууллаа.

Энэ хүрээнд долдугаар сарын 28-ны өдрөөс эхлэн ЭЭЭТ-ийн мэс заслын эмч нар хөхний хавдрын мэс заслуудыг хийж эхэлсэн байна. ХСҮТ-ийн цээжний хөндийн мэс заслын эмч, хөхний багийн ахлагч П.Батсүхээр ахлуулсан тус амаржих газрын Эмэгтэйчүүдийн эмгэгийн эмчлэх тасгийн эрхлэгч П.Сэргэлэн, эх барих эмэгтэйчүүдийн эмч Н.Ганболд, мэдээгүйжүүлэг эрчимт эмчилгээний эмч Б.Долгормаа, мэс заслын сувилагч Т.Мөнхцэцэг, мэдээгүйжүүлэг эрчимт эмчилгээний сувилагч П.Уянга нарын баг бүрэлдэхүүн хөхний хавдар авах мэс заслыг амжилттай хийжээ.

Амгалан амаржих газарт умай, умайн хүзүү, өндгөвчний хавдрыг дурангийн болон нээлттэй мэс заслын аргаар авах эмчилгээ хийгддэг бөгөөд цаашид хөхний хавдрын мэс заслыг нутагшуулснаар эх барих, эмэгтэйчүүдийн тусламж үйлчилгээний нэр төрөл нэмэгдэж буй чухал ач холбогдолтой юм.

Эх сурвалж: Амгалан амаржих газар

 

 


Амгалан амаржих газарт хөхний хавдар авах мэс заслыг анх удаа хийлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.