Эм, эмийн хэрэгслийн нөөц бүрдүүлэлт, чанар стандартад хяналт тавьж, наймдугаар сарын 1-нээс эхлэн эмнэлэгт хэвтэн эмчлүүлж байгаа иргэдээр гаднаас эм тариа авахуулахгүй байхыг Шадар сайд  үүрэг болгосон.Энэ ажлын хүрээнд холбогдох яам, агентлагийн зүгээс эрүүл мэндийн байгууллагуудын эм, эмийн хэрэгслийн нөөц бүрдүүлэлт, үнийн тогтвортой байдлыг шалган, цаашид авах арга хэмжээний талаар наймдугаар сарын 7-ны өдөр УОК-ын дэргэдэх шуурхай ажлын хэсэгт танилцууллаа.

 Одоогийн байдлаар эм ханган нийлүүлэх төвүүдэд эмийн нөөц тасалдаагүй, үнийн хувьд тогтвортой байгаа гэлээ. Цаашид Эрүүл мэндийн яамнаас вирусын эсрэг эмийн хангамжийг нэмэгдүүлэх хүрээнд 3 төрлийн эмийг ерөнхий гэрээгээр оруулж ирэх бөгөөд нийт 168 мянган тун эмийг захиалжээ. Харин наймдугаар сард 26 мянган тун эмийг нийлүүлэх аж. Мөн халдварын хүнд шинж тэмдэгтэй иргэдэд хэрэглэдэг, нас баралтаас урьдчилан сэргийлэх өндөр үйлчлэлтэй “Тоцилизумаб эмнээс 2000 ширхэгийг ойрын хугацаанд нийлүүлэхээр болжээ. Түүнчлэн үндэсний үйлдвэрлэгчид дотооддоо вирусийн эсрэг Умифеновир/арбидол/,Фабипиавир зэрэг 2 төрлийн эмийг үйлдвэрлэхээр бэлтгэж байгаа аж.

М.Хонгорзул