Энэ оны эхний долоон сарын байдлаар 223 хүүхэд зам тээврийн осолд өртөж, 27 нь амиа алджээ.Үүнээс 115 нь нийслэлд, 108 нь орон нутагт бүртгэгдсэн байна. Энэ сарын 5-ны өдөр Тээврийн цагдаагийн албаны жижүүрийн шуурхай удирдлагын төвд нийт 289 дуудлага хүлээн авснаас зам тээврийн шинжтэй 209 дуудлага бүртгэгдэж, гурван хүний амь хохирсон аж.

     Замын хөдөлгөөнд оролцох үедээ хамгаалах бүс зүүж хэвших, бага насны хүүхдийг харгалзах хүнтэй замын хөдөлгөөнд оролцуулж, хөдөө орон нутгийн замд зорчихдоо тээврийн хэрэгслийн хурдыг тогтсон хязгаараас хэтрүүлэхгүй байхыг цагдаагийн байгууллагаас анхааруулж байна.