Баянхонгор аймгийн Бөмбөгөр сумын Улаан сайр багийн Улаан сайр гэх газар тус сумын харьяат иргэн У гэгч нь наймдугаар сарын 02-ны өдөр малын эрэлд явж байгаад Өлзийт голд живсэн байж болзошгүй тухай дуудлагыг Онцгой байдлын ерөнхий газар наймдугаар сарын 04-ний өдрийн 23:19 цагт хүлээн авчээ.  Дуудлагын дагуу тус аймгийн Онцгой байдлын газрын Эрэн хайх, аврах салбар, сумын Цагдаагийн хэсгийн алба хаагчид, сумын Засаг даргын Тамгын газрын ажилтнууд, ар гэрийнхэн тус сумын харьяат 20 настай, эрэгтэй У гэгчийг эрэн хайх ажиллагааг зохион байгуулж байх явцад наймдугаар сарын 04-ний өдөр унаж явсан морь нь Өлзийт голд үхсэн байсныг олсон байна. Наймдугаар сарын 05-ны өдөр Өлзийт голд эрэн хайх ажиллагааг зохион байгуулж, тус иргэний цогцсыг мөн өдрийн 19:10 цагт Өлзийт голын хоёр метрийн гүнээс олж, сумын Цагдаагийн хэсгийн төлөөлөгчид шилжүүлж өгсөн.