Уул уурхай, хүнд үйлдвэрийн сайд Г.Ёндон нүүрсний экспортын орлого өмнөх оныхоос өсөх магадлалтай байгаа талаар мэдээлэл өгчээ.

Тэрбээр “Өнгөрсөн оны эхний хагас жилд нүүрсний экспорт маш их хэмжээний алдагдалтай буюу 50 хувиар тасарсан. Энэ жил 28 сая тонн нүүрс экспортлох төлөвлөгөөтэй. Цар тахлын нөхцөл байдлаас шалтгаалж төлөвлөсөн хэмжээндээ арай хүрэхээргүй дүр зураг харагдаж байна. Гэхдээ өнгөрсөн жилийн экспортын хэмжээнд хүрнэ гэж найдаж байна. Нүүрсний үнийн хувьд түрүү жилийнхээс илүү байгаа учир экспортын орлого өсөх магадлалтай.Энэ оны эхний таван сарын байдлаар уул уурхайн бүтээгдэхүүнээс төвлөрөх ёстой орлого 98 хувийн биелэлттэй байна. Есдүгээр сараас чингэлэг тээврийн терминал ажиллаад эхэлбэл нүүрсний экспортын хэмжээнд мэдэгдэхүйц ахиц гарна” гэсэн байна.