Улсын хэмжээнд энэ оны эхний долдугаар сарын байдлаар мотоциклтой холбоотой зам тээврийн 261 осол бүртгэгджээ. Эдгээр ослын улмаас 146 хүн гэмтэж, 44 хүний амь нас хохирсон байна. 

         Тээврийн цагдаагийн албаны жижүүрийн шуурхай удирдлагын төвд өчигдөр нийт 270 дуудлага мэдээлэл бүртгэгдсэнээс 192 нь  зам тээврийн осол шинжтэй дуудлага байжээ. Зам тээврийн ослын улмаас нийслэлд зургаан хүн, орон нутагт дөрвөн  хүн гэмтсэн бол нэг хүүхэд амиа алдсан байна.

         Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 69 зөрчил илрүүлсэн аж. Үүнээс нийслэлд 49, орон нутагт 20 зөрчлийг илрүүлж, учирч болох эрсдэлээс урьдчилан сэргийлж ажиллажээ.