Өвөрхангай аймгийн Хархорин сумын Шанх багийн Бэл гэх газар хоёр автомашин мөргөлдсөн ноцтой зам тээврийн осол гарчээ. Тодруулбал Завхан аймгийн Улиастай сумаас Улаанбаатар хотын чиглэлд зорчиж явсан “Маяти-2”  загварын ачааны автомашин Улаанбаатар хотоос Завхан аймгийн Улиастай сумын чиглэлд явсан “Даево” загварын суудлын автомашинтай мөргөлдсөн байна. Ослын улмаас хоёр иргэн автомашины эд ангид хавчуулагдсан байжээ.Өвөрхангай аймгийн Онцгой байдлын газрын Хархорин сум дахь Онцгой байдлын хэлтсийн таван алба хаагч автомашины эд ангид хавчуулагдсан хоёр иргэнийг эсэн мэнд гаргаж, эмнэлэгт хүргэж өгсөн байна.

Холбогдох байгууллагаас иргэд та бүхнийг замын хөдөлгөөнд анхаарал болгоомжтой оролцохыг анхааруулж байна