Зуны улирал тарваган тахал өвчний идэвхтэй үе. Аялал зугаалгын сар болж байгаатай холбогдуулан ЗӨСҮТ-ээс тарваган тахал өвчнөөс урьдчилан сэргийлэх дараах зөвлөмжийг гаргажээ.

Тарваган тахал нь нянгаар үүсгэгддэг, мэрэгч амьтад тэдний бөөс, бүүргээр дамжин халдварладаг, тунгалгийн зангилаа, уушгийг зонхилон гэмтээдэг халууралт, хурц хордлого бүхий зоонозын халдварт өвчин. Манай орны 17 аймгийн 137 суманд тарваган тахлын байгалийн голомт тэмдэглэгдсэн. Эдгээрээс Хөвсгөл (Цэцэрлэг, Цагаан-Уул, Бугат), Баян-Өлгий (Цагааннуур, Улаан-хус, Булган), Завхан (Эрдэнэхайрхан), Говь-Алтай (Эрдэнэ, Чандмань), Өвөрхангай (Хайрхандулаан, Уянга), Ховд (Үенч, Алтай, Булган) зэрэг аймгуудад тарваган тахлын голомт идэвхтэй байна.

Тарваган тахал өвчний эх уурхай нь  тарвага, огдой, бүүрэг, зурам, үлийн цагаан оготно зэрэг амьтад юм. Өвчтэй тарвага агнах, арьс өвчих, мах эвдэх явцад арьс салстын шархаар болон мэрэгч амьтны бөөс, бүүрэгт хазуулах замаар тарваган тахал өвчин халдварлана.

Тарваган тахал өвчний үед дараах шинж тэмдэг илэрнэ

Сэргийлэх арга хэмжээ:

• Тарваган тахал өвчинтэй тэмцэх, сэргийлэх арга хэмжээнд Засаг захиргаа, хууль хяналт, байгаль орчин, эрүүл мэндийн байгууллага болон хүн амын хамтын ажиллагааг нэгтгэн зохион байгуулна.
• Тарваган тахал өвчний дэгдэлтийг эрт сэрэмжлүүлэх, хариу арга хэмжээний төлөвлөгөө боловсруулж, Онцгой байдлын хэлтэс, штабын хурлаар хэлэлцүүлэн, жил бүр тодотгол хийж, хэрэгжүүлнэ.
• Хүн амд тарваган тахлын талаар сурталчилгаа хийж, зөв дадал, хандлагыг бий болгох, тарваган тахлын голомтот нутгийн эрсдэлтэй бүлгийн хүн амыг дархлаажуулах ажлыг зохион байгуулна.
• Тарваган тахлын голомттой нутгийг хянах, шинжлэх, байгалийн голомт дахь халдварын эрсдэлийг бууруулах ажлыг хэрэгжүүлнэ. Олн улсын онгоцны буудалд нисэх онгоц буулгах, хилийн боомтод галт тэрэг, авто хөсгийг тусгаарлан зогсоох хяналтын талбайг байгуулна

Тарваган тахал өвчний шинж тэмдэг илэрсэн үед дараах зөвлөмжийг мөрдөөрэй 

М.ХОНГОРЗУЛ