Улаанбаатар марафон 2023 тэмцээний эрэгтэйчүүдийн 42км зайн гүйлтэнд Монгол улсын тамирчин Н.Мөнхбаяр түрүүллээ. “Улаанбаатар марафон-2023” олон улсын гүйлтийн тэмцээн боллоо. Гүйлттэй холбоотойгоор өнөөдрийг “Автомашингүй өдөр” болгож, 06:00-18:00 цагийн хооронд зарим замын автомашины хөдөлгөөнийг хязгаарлаж байгаа юм.

         Марафонд 30 орны 20 мянга гаруй хүн бүртгүүлсэн бөгөөд гадаад, дотоодын гүйгчдийн хүсэн хүлээдэг томоохон тэмцээний нэг болжээ. Энэ жилийн хувьд олон улсын гүйлтийг өдөрлөг болгон зохион байгуулж, өргөн цар хүрээг хамруулан, хувийн хэвшлийн оролцоог нэмэгдүүлснээрээ онцлогтой юм. Мөн хагас, бүтэн марафонд хөгжлийн бэрхшээлтэй иргэдийн гүйлтийн төрлийг нэмсэн.