Монгол Улсын сагсан бөмбөгийн эмэгтэй шигшээ баг 2023 оны FIBA 3X3 дэлхийн аварга шалгаруулах тэмцээний хэсгийн эхний тоглолтоо Унгарын шигшээ багийн эсрэг хийж эцсийн мөчид 19:21-ийн харьцаатай хожигдсон. Хэсгийн хоёр дахь тоглолтоо Чехийн шигшээ багийн эсрэг хийж 21:10-ын харьцаатай хожигдол хүлээсэн билээ. Харин хэсгийн гурав дахь тоглолтоо зургадугаар сарын 1-ний өдөр буюу өнөөдөр хүчирхэг АНУ-ын багтай хийлээ. Дэлхийн аваргын дэвжээн дээр охидууд маань Америкийн хүчирхэг багийг ёстой нэг сандаргалаа. Хамаг хүч, ур ухаанаа гаргаж сайн тоглолтыг хийж чадлаа. Хожсон бол дэлхийд шуугиан тарих байлаа. Америкийн багт том цочироог монгол охидууд өгсөн нь бахархалтай байлаа. Эцсийн мөчид манай охидууд 21:18-ын харьцаагаар хожигдол хүлээв.