Кирибаяма өнөөдөр озэки цолтой болсныхоо дараа нэрээ Киришима болгон өөрчилжээ. Б.Лхагвасүрэн өөрийн багшийн нэрийг өвлөн авсан байна. Японы мэргэжлийн сүмо бөхийн холбооны ээлжит бус хурал нацү башё дууссаны дараа яаралтай хуралдаж, саньякү цолтой гурван тэмцээнд дараалан 34 даваа авсан "Мичиноку" дэвжээний монгол сүмоч Кирибаяма Бямбачулууны Лхагвасүрэнг озэки болох боломжийг санал нэгтэйгээр дэмжсэн билээ.

        Ингэснээр Кирибаяма мэргэжлийн сүмогийн түүхэнд 256 дахь озэки боломтой болсон юм. Кирибаяма 2015 онд мэргэжлийн сүмод анх барилдаж дөрвөн жилийн дараа сэкитори цолтой болсон. 2020 онд макүүчи зиндаанд дэвшиж жилийн дараа саньякү цолонд хүрсэн юм. 2023 оны нэгдүгээр сарын башёд комүсүби цолтой барилдаж 11- н даваа, дөрвөн унаатайгаар дэд аварга болж “Техниктэй бөх”-ийн шагнал хүртэж байв. Харин 2023 оны гуравдугаар сарын башёд сэкивакэ цолтой барилдан 12 даваа, гурван унаатайгаар түрүүлж, “Техниктэй бөх”-ийн шагнал авсан. 2023 оны тавдугаар сарын башёд сэкивакэ цолтойгоор 11 даваа, дөрвөн унаатайгаар “Техниктэй бөх”-ийн шагналыг тус тус хүртэж байсан билээ.