БНХАУ-ын Чендү хотноо 2023 оны долдугаар сарын 28-наас наймдугаар сарын 8-ны өдрүүдэд болох дэлхийн оюутны спортын зуны “Универсиад” XXXI наадамд оролцох Монголын багийн ахлагч нарын хурал “Зайсан хилл” цогцолборын кино танхимд  боллоо.Хурлыг Монголын оюутны спортын холбооноос (МОСХ) зохион байгуулж тус наадамд оролцох есөн төрлийн төрлийн холбоод (бадминтон, байт харваа, буудлага, сагсан бөмбөг, усан сэлэлт, таэквондо теннис, туялзуур сэлэм, ширээний теннис)-ын удирдлага, дасгалжуулагч , төлөөлөлүүд, МОСХ-ны Удирдах зөвлөлийн зарим гишүүд оролцлоо.

          Хуралд дэлхийн оюутны спортын зуны “Универсиад” XXXI наадмын тухай танилцуулгыг МОСХ-ны ерөнхий нарийн бичгийн дарга, Ази тивийн оюутны спортын холбооны тэргүүн дэд ерөнхийлөгч, МУГД, доктор, дэд профессор Д.Жаргалсайхан хийлээ. Харин тус наадамд оролцох Монголын баг тамирчдын тухай мэдээллийг МОСХ-ны гүйцэтгэх захирал Ч.Эрдэнэтуяа хийсэн байна.

         Спортын холбоодын сонирхсон асуултад МОСХ-ны удирдлага зохих хариултыг өгсөн байна. Хурлын үер МОСХ-ны холбооноос универсиад болон Монголын оюутны спортын хөгжлийн тухай номуудыг төлөөлөгч нарт тарааж, мэдээлэл өгсөн байна. Түүнчлэн наадмын заавар, гарын авлага, материалуудыг өгчээ.

          Тус наадам Монголын оюутны баг тамирчид бадминтон, байт харваа, буудлага, жүдо, сагсан бөмбөг, усан сэлэлт, таэквондо, теннис, туялзуур сэлэм, хөнгөн атлетик, ширээний теннис зэрэг спортын 11 төрөлд 130 гаруй баг тамирчид оролцохоор төлөвлөж байна.