Монголын уран сайхны гимнастикийн баг тамирчид тавдугаар сарын 31-ээс зургадугаар сарын 3-ны өдрүүдэд Филиппин Улсын нийслэл Манила хотод болох Азийн тивийн аварга шалгаруулах тэмцээнд явлаа. Азийн аваргад манай улсын 25 хүний бүрэлдэхүүнтэй баг эх орноо төлөөлөн оролцоно. Манай багийн түрүүч өчигдөр "Чингис хаан" олон улсын нисэх онгоцны буудлаас нисэв.

Дасгалжуулагчаар М.Булган, Б.Болормаа, Б.Халиун, шүүгчээр Б.Эрдэнэзаяа, Т.Болор, Г.Золжаргал, Ц.Зулзаяа, насанд хүрэгчдийн ганцаарчилсан төрөлд Х.Ундрам, Н.Анужин, Э.Лхагвацэцэг, насанд хүрэгчдийн багийн төрөлд Б.Номин, Б.Номин-Эрдэнэ, А.Тэгшээ, Ё.Дөлгөөндөл, Г.Марал, Б.Мөнхжин нар оролцоно. Өсвөр үеийн ганцаарчилсан төрөлд У.Айыына, Н.Урангоо, А.Хонгорзул, өсвөр үеийн багийн төрөлд П.Аялгуу, Б.Цэрэнханд, П.Энэрэл, Н.Мандуухай, С.Мөнхгэрэл, Х.Минжин нар тус тус оролцох юм.