32 дахь удаагийн “Токио-2020” зуны олимпын наадам үргэлжилж байна. Эхний өдрийн тэмцээнүүд өндөрлөж, Монгол Улсын Хөдөлмөрийн баатар, Гавьяат тамирчин М.Уранцэцэг Токиогийн олимпоос Монголын шигшээ багийн анхны медалийг хүртсэн. Тэгвэл уншигч та бүхэнд ээлжит зуны олимпын наадмын хоёр дахь өдрийн тэмцээнүүдэд оролцох Монгол Улсын баг, тамирчдын хуваарийг хүргэж байна.

08:00 цагаас эмэгтэйчүүдийн 10 метрийн хийн гар бууны урьдчилсан шатанд О.Гүндэгмаа, Ц.Анударь нар оролцоно.

09:15 цагаас сагсан бөмбөгийн 3х3 төрлийн эмэгтэй шигшээ баг Япон Улсын шигшээ багийн эсрэг тоглоно.

10:00 цагаас жүдоч Ё.Басхүү, Л.Сосорбарам нар татамид гарна.

17:18 цагаас боксчин Б.Чинзориг эхний тулаанаа Узбекистаны тамирчин Э.Абдураимовын эсрэг хийнэ /Өмнөх тоглолтуудын үр дүнгээс хамаарч тулаан болох цагийг өөрчлөх магадлалтай/.