Реппер, найруулагч, продюсер Rokit Bay “Жингүйдсэн пуужин” нэртэй шинэ уран бүтээлээ гаргасан билээ. Тус уран бүтээл нь "Odyssey" хэмээх түүний шинэ цомгийн эхний дуу болж байгаа юм. Мөн О.Баярсайхан энэ оны есдүгээр сарын 14-нд “Пуужин Баяраа” тоглолтоо хийх гэж байгаа талаараа мэдэгдсэн.

         Rokit Bay буюу О.Баярсайхан нь 1984 оны арваннэгдүгээр сарын 24-нд төрсөн бөгөөд 2007 онд “Асуулт” форумд “Nevalast” хэмээх нэрээр уран бүтээлээ туурвиж эхэлжээ. Тэрбээр “Пуужин Баяраа”, “Эвдэрхий хүмүүс”, “Хариуцлага” хэмээх цомог гаргаж байсан юм.

         О.Баярсайхан дэлгэцийн хэд хэдэн уран бүтээлд ажилласан бөгөөд анхны уран бүтээл нь Лос Анжелес хотод  2009 онд хийгдсэн “Маргаашгүй” хэмээх уран сайхны кино юм. Мөн “Алтан ус”, “Эцсийн зогсоол Е цэг” зэрэг кинонд ажилласан.

          Монголын анхны олон тоглогч холбогдон тоглох боломжтой аймшгийн 3D видео тоглоом болох “Carnival Hunt” нь түүний үүсгэн байгуулсан “Beer Night Studio”-ийн шинэ бүтээл юм. Тэрбээр “Beer Night Studio”-ийг 2017 онд үүсгэн байгуулсан ба Монголын анхны бүрэн хэмжээний анимейшин цуврал “Оннц дүмд” болон “Fragile” хэмээх видео тоглоомыг бүтээсэн билээ.

Ингээд түүний онцлох 10 уран бүтээлийг хүргэж байна.

“Жингүйдсэн пуужин”

“Нэг өдрийн хаан”

“The Broken Souls”

“Bor Arist Gump”

“Бороо”

“Эвдэрхий хүн”

“Бид 2”

"Орилоон"

“Хязгааргүй”

"Дуу муутай хүн"