Солонгосын алдарт "BTS" хамтлагийн 10 жилийн ой өнөөдөр тохиож байна.  Тус хамтлаг “BigHit” /Hybe/ энтертайнментад 2013 оны зургадугаар сарын 13-нд долоон гишүүнтэйгээр “We are Bulletproof”,"No more dream" дуугаараа дебют хийж байсан. "BTS" 10 жилийн турш тогтвортой үйл ажиллагаа явуулахдаа олон улсын хөгжмийн нааадмын 726 номинацид нэр дэвшиж, нийт 515 шагналын эзэн болж, 41 Гиннесийн амжилтыг шинэчлэн тогтоожээ.

                "BTS" хамтлаг нь энэ хугацаанд НҮБ-ын Ерөнхий Ассамблейн чуулган дээр илтгэл тавьсан, үзүүлбэр үзүүлсэн, “Billboard Music Awards”, American Music Awards” хөгжмийн наадмаас шагнал авсан, үзүүлбэр үзүүлсэн, “Grammy Awards” нэр дэвшсэн, үзүүлбэр үзүүлсэн анхны к-поп хамтлаг болсон билээ. Мөн  АНУ-ын Ерөнхийлөгч Жо Байдентай уулзаж, Цагаан ордонд үг хэлсэн анхны к-поп хөвгүүдийн хамтлаг юм.

                БНСУ-ын хуулийн дагуу хамтлагийн гишүүд болох Ким Согжин, Жон Хусог цэргийн алба хааж байгаа билээ. Хамтлагийн гишүүд ээлж дараалан цэргийн албанд татагдсаар 2025 онд бүрэн бүрэлдэхүүнээрээ эргэн цугларах юм.

"BTS" хамтлаг 2013 он

 НҮБ-ын Ерөнхий Ассамблейн чуулган дээр илтгэл тавьсаны дараа

Цагаан ордонд зочилж,АНУ-ын Ерөнхийлөгч Жо Байдентай уулзсан нь

10 жилийн ойн баярт зориулан гаргасан уран бүтээл