Ардчилсан нам дотоод хагарлаа шийдэж чадахгүй байсаар Ерөнхийлөгчийн сонгуультай золголоо. Намын даргаа ч сонгож чадаагүй тэд энэ байдлаараа Ерөнхийлөгчийн сонгуульд нр дэвшигчээ бүртгүүлж чадахгүй байх виу  гэх болгоомжлол ч нийтийн дунд байсаар байна. Тэгвэл намаанхаа нэгдлийг доод шатнаас нь эхлүүлнэ гэж байсан Ардчилсан намын үүсгэн байгуулагч Э.Бат-Үүл өөрийн цахим хаягаараа Ерөнхийлөгчид үг дайжээ. Тэрбээр "Намайг Ардчилсан Намын Нийслэлийн намын дарга болсонд яагаад Ерөнхийлөгч Х.Баттулга дургүйцээд байгааг би ойлгохгүй байна.

Өөрийнхөө банхаруудаар сүүлийн 10 хоногт угсаруулан дайруулж байна. Өөрийг нь Ерөнхийлөгч болоход нийслэлд миний оруулсан хувь нэмэр багагүй дээ" хэмээн жиргэсэн байна. Тэрбээр өнгөрсөн сард нийслэлийн Ардчилсан намын даргын сонгуульд нэр дэвшиж, ялалт байгуулсан юм. Мөн өнгөрсөн долоо хоногт болсон Бага хурлын үеэр нийслэлийн Ардчилсан намын даргын хувьд үгээ хэлж байна хэмээсэн ч тайзнаас  хөөгдөж буусан юм.