Гэгээн Ширээт Улсын төрийн тэргүүн, Ромын Пап Францис наймдугаар сарын 31-нээс эхлэн манай улсад айлчлал хийж байгаа билээ.Тэгвэл түүний энэ удаагийн айлчлалын талаарх олон улс судлаач П.Наранбаярын байр суурийг сонслоо.

     Тэрбээр “Гэгээн Ширээт Улсын хувьд газар нутаг багатай, жижиг, ерөнхийдөө Папд зориулагдсан улс байдаг.  Манай улсад дэлхийн олон орныг хамарсан, тэрбум гаруй итгэгчтэй, том шашны тэргүүн айлчилж байгаа нь Монгол Улсыг  католик шашинтай орнуудад таниулах өндөр ач холбогдолтой.  

          Нөгөөтээгүүр манай улс гуравдагч хөршийн бодлогоо маш сайн хэрэгжүүлж байна. Монгол Улсын энхийг эрхэмлэсэн, гуравдагч хөршийн бодлого, олон тулгуурт гадаад бодлогын амжилтын нэг гэж хэлж болно.

       Манай улсын талаар гаднын хэвлэлүүд тэр дундаа Япон Улсын хэвлэлүүд их бичиж байна. “Хүн амынх нь 80 гаруй орчим хувь  буддизм шүтдэг Монгол Улсад Пап айлчиллаа” гэх  байдлаар манай улсын талаар эерэг зүйлс нийтэлж байна” гэлээ.