"S'Outlet", "Aqua Garden", "Шунхлай ШТС"-ын удирдлагуудад албадан буулгах захирамжийг өнгөрсөн пүрэв гарагт НЗДТГ-аас танилцуулсан. Энэ үеэр хотын даргын орлогч Ж.Сандагсүрэн "Эхний ээлжид барилгыг нураах мөнгийг төсвөөс гаргана" хэмээн мэдэгдээд буй.

Энэ талаар Сангийн сайд Б.Жавхлан байр сууриа илэрхийлжээ. Тэрбээр "Төрийн хариуцлагатай албан тушаалтан ингэж амны зоргоороо ийм мэдэгдэл хийж болдоггүй юм. Тэр тусмаа төсөв, татвар төлөгчдийн мөнгөөр .... Нийслэлийн албан ёсны байр суурь биш гэж үзье. Төсөв батлах онцгой эрх зөвхөн УИХ-д байдаг юм. Төрийн мөнгө гэж байдаггүй, зөвхөн татвар төлөгчдийн мөнгө гэж байдгийг сануулъя. Хохиролд төсвөөс нэг ч мөнгө гаргахгүй" хэмээжээ.