Засгийн газрын ээлжит бус хуралдааны шийдвэрийг танилцуулж байна. Энэ үеэр БШУ-ны сайд Л.Энх-Амгалан мэдээлэл хийлээ.

       Тэрбээр “Энэ удаагийн Засгийн газар боловсролын салбарт өөрчлөлт хийж байгаа. Сугалааны цэцэрлэгийн асуудлыг бүрэн халсан.  Энэ жил гурван ээлжээр хичээллэх гэж буй сургуулиудад онцгойлон анхаарсан. Ингэхдээ гурван ээлжийг халах бодлогын шийдвэрүүд гарч байгаа. Хүртээмжийн дараа боловсролын чанарын асуудал яригдана.  Тэгэхээр чанартай боловсрол чанартай багштай л холбоотой. Тийм учраас багшаа яаж бэлдэх, ямар хүн багш болох гээд тогтолцооны асуудлыг шийднэ. Багш бэлтгэх сургуулийн тогтолцоог өөрчилнө.   Мөн багшийн цалин, нийгмийн байр суурийг нэмэгдүүлэх. Дөрвөн жилийн сургалтын төлбөр чухал биш. Дөчин жил багшийн үнэлэмжийг нэмэгдүүлэх талаар нийгэмд хэлэлцүүлэг өрнөж байна. Боловсролын салбар халамжийн салбар байж болохгүй.  Сургалтын төлбөр төлж байгаа нь бодлогын шийдвэр болохоос халамж биш” гэлээ.