Цемент Шохой ТӨХК-ийн 40 жилийн ой ирэх сард болно. Ойн арга хэмжээнд тус үйлдвэрт ажиллаж байгаа албан хаагчдыг нэг өдрийн цалингаа хандивлахыг үйлдвэрийн захирал Л.Наранбаатар уриалжээ.

Тэрбээр цахим хуудастаа “Бид үйлдвэрээсээ 40 жил авчээ. Цалин, тэтгэлэг, эрч хүч, туршлага, найз нөхөд, амьдрал. Бид харин өнөөдөр үйлдвэртээ өгч байна. Ойн баяртаа зориулж нэг өдрийн цалингаа хандивлалаа. Баярлалаа, ирээдүйн 40 жилдээ зүрх сэтгэлээ хамтдаа зориулж, хамтдаа бүтээнэ. Чин сэтгэлээсээ талархаж, үйлдвэрийнхээ ойн баярт сайн дураар хандив өргөж буй бүх ажилчиддаа баярлалаа. Бид хичээж, ойн баяраа сайхан тэмдэглэж, алдаа оноогоо дүгнэн, хамтдаа урагшлах болно” гэжээ.