УИХ-ын гишүүн асан Т.Аюурсайхан, Эрдэнэс тавантолгой ХХК-ийн захирал Б.Ганхуяг нарын шүүх хуралдаан өнөөдөр болохоор зарлагдсан. Энэ үеэр Т.Аюурсайхан “Намайг нүүрсний хулгайч мэтээр харагдуулж, гүтгэж байгаа хүн олон бий. Өнгөрсөн хугаанд намайг хуулийн байгууллагаас олон дуудсан. Дуудсан хугацаанд нь очиж байсан. Хуулийн шүүхийн байгууллагаас тус хэргийг үнэн зөвөөр шийднэ гэдэгт итгэж байгаа. Тиймээс гадаад томилолтоо хүртэл цуцалж байсан. Мөрдөн шалгах ажиллагааг түргэн шуурхай үргэлжлүүлж өгөөсэй. Шүүх хуралдааныг нээлттэй явуулж, үнэн бодит зүйлийг иргэдэд мэдээлээсэй гэж хүсэж байна. Тиймээс надад нууж хаах зүйл байхгүй” гэлээ.