Хөдөлмөр нийгмийн хамгааллын сайд асан Т.Аюурсайхан нарын 11 хүнийг нүүрсний хулгайн хэрэгт яллагдагчаар татан шалгаж эхэлсэн. Тэднийг эрх мэдэл, албан тушаалын байдлаа урвуулан ашигласан, үндэслэлгүйгээр хөрөнгөжсөн зэрэг үндэслэлээр эрүүгийн хэрэг үүсгэн шалгаж байгаа юм.  Улмаар "Эрдэнэс Тавантолгой" ХК-ийн захирал асан Б.Ганхуяг, Д.Ариунболд нарыг цагдан хориод буй.  Тэдэнд холбогдох хэргийг шүүхэд шилжүүлсэн бөгөөд шүүх хурлын урьдчилсан хэлэлцүүлэг өнөөдөр болно. 

Тодруулбал, Нийслэлийн Прокурорын газраас “Нүүрсний” гэх тодотголтой эрүүгийн хэрэгт холбогдуулан 11 хүнд яллах дүгнэлт үйлдэж ирүүлсэн 142 хавтас эрүүгийн хэргийг Чингэлтэй дүүргийн Эрүүгийн хэргийн анхан шатны шүүх 2023 оны наймдугаар сарын 4-нд хүлээн авсан. Тус хэргийн Урьдчилсан хэлэлцүүлгийн шүүх хуралдааныг яллагдагчдын өмгөөлөгч нарын хүсэлтээр 2023 оны наймдугаар сарын 30-нд 14:00 цагт товлосон юм.

Хуралдааны талаар эргэн мэдээлнэ.