Ардчилсан намын дарга Л.Гантөмөрийн сэтгүүлчидтэй хийсэн зангиагүй уулзалтаас онцлох эшлэлүүдийг хүргэж байна.

       Тэрбээр “Манай нам гурван жилийн хугацаанд улс төрөөс зайтай байлаа. Ардчилсан нам 2-3 хуваагдаж, алга болох дээрээ тулсан. Тэгээд бидний нөхөд нийлж намаа хөл дээр нь босгохоор шийдсэн.Тамга, гэрчилгээ, байр, хөрөнгө байхгүй тараад алга болсон намыг сэргээх,  гишүүдийн бүртгэлийг сэргээх гээд дотоод ажлуудаа өнгөрсөн хугацаанд хийлээ. Бидэн амрах хугацаа байхгүй” гэлээ.

 Ингээд түүний ярилцлагаас онцлох эшлэлүүдийг түүвэрлэн хүргэж байна.

Ардчилсан намыг сөрөг хүчнээр төсөөлөх хэрэггүй. Миний намын дарга болохдоо авсан даалгавар нь  энэ намыг эрх баригч болгох. Ардчилсан нам ялагч болохгүй бол ялагчийн талаас шидсэн “чулуу”-нд бутардаг түүх бий.

Миний охин боловсролын зээлийн сангаас зээл авсны төлөө намайг яллаж буй хүмүүс ямар эрх чөлөөний ойлголтгүй.  Би өөрийн болон бусдын хүүхдийн эрхэнд халдахгүй. Хэн ямар хар пр хийхийг би чимээгүй харж байлаа.  Энэ асуудлыг нийтэд дэлгэсэн нь Үндсэн хуулийн нэмэлт өөрчлөлттэй холбоотой.

МАН-ынхан "АН санаачилсан бол юу ч байсан бүгдийг зогсоо” гэдэг хуучны үзэл суртлаа хадгалаастай байгаа.

БНХАУ-аас  нүүрс оруулж ирнэ гэж байна. Үүнийг нь бид зогсоогоод, өвөл утаатай байвал дахиад АН буруудна. Би алдаагаа бага харуулахын тулд л далд байгаа. Сонгууль дөхсөн үед манай нам болгоомжтой байх ёстой.

МАН-ын эсрэг улс төрийг ард түмэн өөрсдөө хийж өгнө, ард түмэн дуугарч байна

Бид цаашдаа сөрөг хүчний ажлаа хийж, МАН-ын ритингийг бууруулна, та бүхэн санаа зоволтгүй ээ.

МАН-ын шургаагаар АН задрах магадлалтай.

Ирэх сонгуульд арав гаруй  нам АН-тай хамтарч сонгуульд оролцоно.