Ардчилсан намынхан ҮБХ-оо хуралдуулж, намын генсекээ томилох гээд дотроо донсолж байна. Өмнө нь нэг удаа хойшлуулсан ҮБХ-ны хурлаа өнөөдөр Төрийн ордонд хийхээр товлосон ч, байршлаа өөрчлөхөөр болж, хурал эхлэх хугацааг түр хойшлуулав.

     Ардчилсан намынхан намын гесекээр хэнийг тодруулах вэ гэдэг дээрээ тохирч чадахгүй, түр орлон гүйцэтгэгч томилох эсэх асуудлыг ярилцаж байгаа гэх мэдээлэл бий. Тэгвэл бид ҮБХ-ны гишүүн Б.Жаргалантай холбогдож хурлын талаар товч мэдээлэл авлаа. Тэрбээр “Одоогоор хурлын бүртгэл хийгдсэн хараахан эхлээгүй байна. Энэ удаагийн хурлаар ҮБХ-ны бүтэц бүрэлдэхүүний асуудлыг ярихаас гадна томилгоонууд хийгдэнэ. Тодруулбал, намын дэд дарга, Улс төрийн зөвлөлийн дарга, намын Ерөнхий нарийн бичгийн даргыг томилох юм. Намын Ерөнхий нарын бичгийн даргыг томилох эсэх нь намын даргын бүрэн эрхийн хүрээний асуудал. Ерөнхий нарийн бичгийн дарга нь намын даргын баг бүрэлдэхүүнийг удирдах орон тооны албан тушаалтан. Тэгэхээр намын дарга өөрийн бүрэн эрхийн хүрээнд шийдэх байх. Түр орлон гүйцэтгэгчийн асуудал яригдаж байгаа талаар би мэдэхгүй байна” гэлээ.