Засгийн газраас хичээлийн шинэ жилийн бэлтгэл болон Боловсролын багц хуулийн талаар мэдээлэл хийлээ. Энэ үеэр Цахим хөгжил харилцаа холбооны сайд Н.Учрал мэдээлэл өглөө.

  Тэрбээр “Мэдээлэл технологийн ажиллагааг хувийн хэвшил, төрийн бус байгууллагуудаар гүйцэтгүүлэх тал дээр хэрэгжүүлэх арга хэмжээний  тухай тогтоолыг баталлаа. Өнгөрсөн зургадугаар сард “Mind Mongolia” уриан дор “ICT EXPO” зохион байгуулагдсан. Энэ нь үр дүнтэй, тэндээс гарсан санал хэрэгждэг байгаасай гэж олон нийт хүсдэг. Тэр ч утгаараа бид гурван чиглэлээр санал дүгнэлт гаргасан.

  “ICT EXPO”-ийн хүрээнд 194 байгууллага 492 бүтээгдэхүүн үйлчилгээг давхардсан тоогоор 2.6 сая хэрэглэгчид хүргэсэн байна. Мөн 4.8 тэрбум төгрөгийн борлуулалт хийж, 41 сая ам долларын хэлцэл, есөн тэрбум төгрөгийн экспортын гэрээ хийгдсэн.  Тиймээс мэдээлэл технологийн компаниудын зүгээс Засгийн газарт цаашид энэ төрлийн ажил хэрэгжүүлэх, программ хангамжийн салбарт төр битгий өрсөлдөөч, хувийн хэвшил олон улсын хэмжээнд өрсөлдөхүйц хөгжиж байна.  Тиймээс хамтарч ажиллах саналыг ирүүлсэн. Энэ хүрээнд  дээрх тогтоол батлагдлаа. Төрийн захиргааны байгууллага болон тэдгээрийн захиргааны байгууллагуудын хүрээнд программ хангамжийн судалгааг хийж, нэгтгэж үзсэн. Цаашдаа төрийн байгууллага шаардлагатай тохиолдолд тендер зарлаад хувийн хэвшлээр энэ ажлыг гүйцэтгүүлэх тал дээр ажиллах хэрэгтэй.  Манай салбар хувийн хувийн хэвшлээ өндөр түвшинд дэмжиж, хамтдаа хөгжих санаачилгыг гаргаж байна" гэлээ.