УИХ-ын гишүүн, Булган аймгийн нутгийн зөвлөлийн тэргүүн Ц.Анандбазар санаачлан санхүүжилтийг нь шийдвэрлэж,  Булган аймгийн Орхон сумын нутаг Өрмийн цагаан нуурын зүүн талд Айрагны гэрэлт хөшөөг босгожээ.

   Жил бүр уламжлал болон зохион байгуулагддаг "August airag festival" их наадам Өрмийн цагаан нуурын дэнжид болдог байсан бол энэ жил Төлүүгийн даваа уруудан Дондогийн булаг гэдэг газарт  болж өнгөрчээ.

     Энэ талаар Ц.Анандбазар гишүүний ажлын албанаас “Монголчуудын эрхэм ундаа болох  айргийг үеийн үе, үрийн үрдээ мөнхлөн дээдлэх гэрэлт хөшөөг босгосон нь их түүхийн хуудаснаа Булганчууд ахин нэгэн анхдагч болж айрагны хөшөөг босгож, дэлхийд Монголыг таниулах брэнд бүтээгдэхүүнээ хүндлэн дээдэлсэн сайхан үйл явдал боллоо” гэх тайлбарыг өгчээ.