Боловсролын тухай хуульд өөрчлөлт орсноор улсын, хувийн ЕБС-иудад ялгаагүй нэгдүгээр ангиасаа эхлэн англи хэлийг үзэх эрх зүйн орчин бүрдэх ажээ. Тус хуулийн өөрчлөлтийг Боловсрол, шинжлэх ухааны яамнаас өргөн барьсан дэмжигдээгүй юм. Энэ талаар УИХ-ын дарга Г.Занданшатар мэдээлэл өглөө.

 Тэрбээр “Бидний эцсийн зорилго хүүхдүүдээ дэлхийн боловсролтой болгох эсвэл олон хэл, соёлын дунд хаях гээд байгаа юм уу гэх маргаан үүсээд байна. ҮБАЗ-өөс англи хэл болохгүй нэг ч  зөвлөмж гаргаагүй. Харин Монгол хэлний тухай хуулиа дагаж мөрд гэсэн.  Монгол хэлний тухай хуульд “Монгол хэл үндсэн  хэл байна, бусад гадаад хэлийг сонгон суралцана” гэсэн заалт бий.  Үндсэн гадаад хэл байхыг дэмжинэ. Дэлхийн түвшний өрсөлдөх чадвартай байхын тулд технологийн, худалдааны, бизнесийн англи хэл үзэхийг 100 хувь дэмжиж байгаа. Гэхдээ англи хэлтэй атлаа монгол хэлгүй хүн бэлдэж болохгүй. Мөн бусад хэл үзэх эрхийг ч хориглож болохгүй. Ардчилсан нийгэмд сонгох эрхийг нь хааж болохгүй. Монгол хэлний тухай хуульд сургалтын үндсэн хэл монгол хэл байна. Харин үндсэн гадаад хэл байна. Мөн бусад орны хэлийг сонгон судалж болно.  Гэхдээ монгол хэл нэгт байж, соёлоо хамгаалж, ижилсэл, ондоошлын өнөөгийн хандлагад нийцүүлэн хэл, соёлоо тусгаар авч явах ёстой юм. Монгол, англи хэлтэй,  өрсөлдөх чадвартай, мэдлэг боловсролтой иргэн бэлтгэх нь Боловсролын тухай хуулийн шинэчлэлийн зорилго юм” гэлээ.