Хөгжлийн банкны өмчлөлд шилжүүлсэн “Шинэ Яармаг” цогцолбор хорооллын 75 үл хөдлөх хөрөнгийг худалдан авах саналыг өнөөдөр буюу 2023 оны 6-р сарын 22-наас цахимаар авч эхэллээ.

Тодруулбал:

-А zone – Ашиглалтад орсон 41ш орон сууц /119м2, 121м2, 257м2/, зургаан үйлчилгээний зориулалттай талбай, 16  авто зогсоол  нийт 23.1 тэрбум төгрөгийн үл хөдлөх хөрөнгө

-В zone – Дуусаагүй барилга долоон блок орон сууц, гурван блок үйлчилгээ, 332ш авто зогсоол, газрын хамт - нийт 63.1 тэрбум төгрөгийн үл хөдлөх хөрөнгө

        Худалдан борлуулахаар нийтэд зарласан “Шинэ Яармаг” цогцолбор хорооллын хөрөнгөтэй холбоотой мэдээллийг Монгол Улсын Хөгжлийн банкны цахим хуудсаар дамжуулан авах, эсвэл газар дээр нь очиж үзэх тохиолдолд 2023 оны зургадугаар сарын 13-наас 2023 оны  зургадугаар сарын 22-ныг дуустал тухайн байрлалд танилцуулж, үзүүлэх боломжтой.

   Худалдан авах хүсэлт гаргагчийн ирүүлсэн саналыг 2023 оны зургадугаар сарын 27-ны 14:00 цагт нэгтгэн шаардлага хангасан худалдан авагчтай холбогдож, гэрээ байгуулна. Ашиглалтад орсон худалдан авах үл хөдлөх эд хөрөнгийн үнийг ажлын гурав хоногийн дотор, дутуу гүйцэтгэлтэй үл хөдлөх хөрөнгийн үнийг (банктай хэсэгчлэн төлөх гэрээ байгуулсан) ажлын 14 хоногийн дотор төлөх бөгөөд төлөөгүй тохиолдолд дараагийн хүнтэй гэрээ байгуулах байдлаар худалдан борлуулах юм.