УИХ-ын нэгдсэн чуулган хуралдаж байна. Хуралдаанаар “Авлигатай тэмцэх үндэсний хөтөлбөр батлах тухай”  хэлэлцэж байна.

       Энэ үеэр УИХ-ын гишүүн  Ш.Адьшаа “Монголын төр, нийгмийг авлигал гэдэг хорт зуршлаас  салгахын төлөө Засгийн газар болон АТГ-аас тодорхой ажлуудыг хийж, тодорхой хэмжээний  үр дүнгүүд гарсан байх. Гэхдээ  Монгол Улсын хуулийн заалтуудтай зөрчилдөх зарим заалтууд байна. Авлигатай тэмцэх  асуудал бол  төр болон   иргэн бүрийн  үүрэг  гэдэгтээ санал нэг байна. Өнөөдөр улсын хэмжээнд 200 гаруй  төрийн албан хаагч бий. Энэ зарлагаа мэдүүлэх тухай орж ирсэн байна.  Төрийн албаны ёс зүйн тухай хуульд бид энэ талаар хэлэлцэж, тодорхой шийдэлд хүрч  байсан. Тэгвэл энэ зарлага мэдүүлэхэд ямар  нэг хэмжээ байх юм уу. Алба хаагчид хоол идсэн, буудалд хоносон, тамхи авснаа  хүртэл АТГ-т мэдэгдэх ёстой юу. Ингэж хэтэрхий мэдэгдэх үү, зарлага мэдээлэл дээр хэмжээ тогтоож өгөөч.  Бид хамтарч ажиллах ёстой” гэлээ.