Нийслэлийн Прокурорын газраас шүүхэд ирүүлсэн “Хөгжлийн банк”-ны гэх эрүүгийн хэргийг Сүхбаатар дүүргийн Эрүүгийн хэргийн анхан шатны шүүх 2023 оны нэгдүгээр сарын 25-ны өдөр хүлээн авч, хуульд заасан журмын дагуу тухайн шүүхийн Ерөнхий шүүгчид хуваарилагдан хэрэг хянан шийдвэрлэх ажиллагаа хийгдэж байна.

         Уг хэлэлцүүлэгт урьдчилсан байдлаар уг хэлэлцүүлэгт яллагдагч 80 хүн, дөрвөн хуулийн этгээд, прокурор зургаа, өмгөөлөгч 106, гэрч 28, хохирогчийн төлөөлөгч хоёр, шинжээч 10, хууль ёсны төлөөлөгчид 15, нийт 257 хэргийн оролцож байна. Эдийн засгийн хөгжлийн сайд асан Н. Батбаярыг “Эрх мэдэл, албан тушаалын байдлаа урвуулан ашиглах” гэмт хэрэгт холбогдуулан шалгаж байгаа билээ.

        Энэ талаараа тэрбээр “Шүүх хуралдаан 64 хоногтоо хуралдаж, шүүгдэгчид маань сүүлийн үгээ хэлж байна. Би ч гэсэн сүүлийн үгээ хэлье. Надад хийсэн хэрэг байхгүй, хийсэн ажил л байгаа. Надад Хөгжлийн банкнаас авсан сохор зоос ч байхгүй. Харин би Монголдоо гадаадаас бага хүүтэй, урт хугацаатай мөнгө авчирсан хүн юм. Үүнийг энэ шүүх хурал харууллаа. Намайг бондын мөнгө хувьдаа авсан  гэж олон жил цоллосон. Учир нь улсын яллагч нар “Намайг хувьдаа мөнгө авсан” гэж нэг ч удаа хэлээгүй. Би мөнгө аваагүй учир юу хэлэх үү, нэрээ цэвэрлэж авсан даа баяртай байна.  Намайг Засгийн газрын тогтоол гаргаж, “21 аймгаа засмал замтай болголоо, нүүрс зөөдөг ганц замаа төрдөө худалдан авч, төсвийн орлогоо нэмэгдүүллээ, үйлдвэр барилаа” гэж буруутгалаа. Үүнийг хүлээн зөвшөөрөхгүй, энэ буруу юм уу. Зөв гэдгийг нь Монгол хүн бүр хэлнэ” гэлээ.