Байнгын хорооны хуралдаанаар Монгол Улсын үндсэн гадаад хэл нь англи хэл байна гэсэн заалтаар санал хураалгахад гишүүдийн олонхи нь дэмжээгүй.  Энэ талаар УИХ-ын гишүүн Г.Дамдинням байр сууриа илэрхийллээ.

   Тэрбээр “Монгол орны дөрвөн зүг, найман  зовхист амьдарч, сурч буй бүх хүүхдүүд дэлхийтэй хөл нийлүүлж алхах чадвартай болохын тулд англи хэл үзэх ёстой. Ерөнхий сайд Л. Оюун-Эрдэнэ анх ажлаа авахдаа албан ёсны гадаад хэлийг англи хэл болгоно гэж мэдэгдсэн. Энэ зорилтын дагуу Боловсролын хуулийн шинэчлэлдээ англи хэлийг тусгаж оруулсан гэж үзэж байна. Гэтэл хуулийн төсөл уналаа. Өнөөдөр БЗС-ийн зээлийг хэн авч байна, англи хэлтэй хүүхэд байгаа.  Манай систем өөрөө тэгш бус байна. Ардын хүүхдээс англи хэлийг харамлаж болохгүй.  Тиймээс бид англи хэлийг хоёр дахь үндсэн хэл болгох учиртай. Боломжтой нь дэлхийн хэмжээнд, боловсролгүй нь нөгөө хэлдэг “ул”-даа үлдэж байна” гэлээ.