МАН-ын Бүлэгийн хуралдаанаас гаргасан зарим шийдвэрийн талаар өнөөдөр танилцуулсан. Энэ үеэр Нүүрсний сонсголын талаар МАН-ын Бүлгийн дарга Д.Тогтохсүрэн мэдэээлэл өгсөн.

   Тэрбээр “Нүүрсний сонсголыг Г.Ганболдоор ахлуулсан түр хорооныхон хийж чадна. Харин түр хорооноос зохион байгуулдаг нотлох сонсгол хийх эсэх талаар ярилцаж, жил орчим ажилласан. Нотлох баримтын сонсгол хийх тодорхой хэмжээний мэдээлэл бүрдчихсэн байгаа. Гэтэл хууль, хяналтын байгууллагаас тус түр хорооны нотлох баримтыг хойшлуулахыг шаардаж байгаа. Үүнд мөрдөн байцаалттай холбоотой, нүүрсний хэрэгт яллагдагчаар татсан хүмүүсийг оролцуулахгүйтай холбоотой асуудал бий гэсэн үг. Хууль хяналтын байгууллаас тус сонсголд "Эрдэнэс Тавантолгой"-н захиралыг оролцуулахгүй гэж үзэж байгаа гэсэн үг. Х.Нямбаатар сайдаар ахлуулсан ажлын хэсэг бол сонсгол хийх ажлын хэсэг биш. Сонголыг зөвхөн нотлох баримт бүрдүүлсэн түр хорооныхон хийдэг. Сайдын ахалж байгаа ажлын хэсэг сонсгол хийхэд дэмжлэг үзүүлэх, бэлтгэл хангах, хамтарч ажиллах, санал бэлтгэх ажлын хэсэг. Түр хороо сонсголоо хийдгээрээ хийнэ” гэлээ.