УИХ-ын нэгдсэн чуулган хуралдаанаар Төсвийн тодотгол, мэдэгдлийн  талаар хэлэлцэж байна.

 Энэ үеэр УИХ-ын гишүүн  Д.Өнөрболор “Эдийн засагт төсвийн бодлого чухал үүрэг гүйцэтгэнэ.  Зардлын тэлэлт эдийн засагт олон сөрөг үр дагаврыг авчирна. Өнгөрсөн хугацаанд төсвийн оновчгүй байдлаас үүдэн нийгэм, эдийн засаг, боловсрол зэрэг салбаруудад сөргөөр нөлөөлсөн. 2000 оноос хойш зардлын бүтцэд өөрчлөлт орж ирээгүй. Төсвийн 70 гаруй хувийг урсгал зардал, 20 орчим хувийг хөрөнгийн зардал эзэлж байгаа. Төсвийн бодлогод өөрчлөлт хийх зайлшгүй шаардлагатай. 2024 оны төсвийн хүрээний мэдэгдэл, 2025-2026 оны төсвийн төсөөллийг  харахад өнгөрсөн жилийн зардлын бүтэц, алдагдал  тэр чигээрээ орж ирж байна” гэлээ.