“Парламент-Ток” нэвтрүүлэгт оролцсон гишүүд нүүрсний хулгайтай асуудлаар байр сууриа илэрхийллээ.

УИХ-ЫН ГИШҮҮН С.ГАНБААТАР: Би энэ хаврын чуулганы хуралдаанд багтаж, яаралтай нүүрсний сонсгол хийх хэрэгтэй гэдгийг холбогдох байгууллагуудад илэрхийлсэн. Иргэд энэ том асуудлыг гаргаж тавина гэдэг том гавъяа.

УИХ-ЫН ГИШҮҮН Д.ЦОГТБААТАР: Нүүрсэн дээр Их хурал ажиллахгүй байна гэж болохгүй. Анх УИХ-ын гишүүн Т.Доржханд 40 их наяд гэдэг тоог гаргаж ирж байж ард түмэн эсэргүүцлээ илэрхийлсэн. Би Их хурлыг Үндсэн хуулийг биш, нүүрсний хэрэг, утааны асуудлаар нэн тэргүүнд сонсгол хийх хэрэгтэй гэж боддог.

ХНХ-ЫН САЙД Х.БУЛГАНТУЯА: Бидний нүүрсний хулгайн ард гарч, хэдэн хүнийг шоронд хийчихвэл энэ насанд хийсэн гавьяа болох гээд байна. Улс өөрөө биенээ шоронд хийх нь үнэт зүйл зорилго байж болохгүй. Монгол Улс бол олон үндэстэн, ястны улс. Америк, Австрали улсууд янз янзын арьс өнгөтэй хүмүүсээс бүрдэж үнэт зүйлтэй байхад бидний үнэт зүйл хаачих юм бэ.

УИХ-ЫН ГИШҮҮН Д.ЦОГТБААТАР: Үнэт зүйлгүй гэж хэн хэлээд байна вэ. Үндсэн хууль бол Монгол Улсын хар хайрцагны бодлого. Үндсэн хууль бидний үнэт зүйл.

УИХ-ЫН ГИШҮҮН С.ГАНБААТАР: Намайг 2012 онд гишүүн байхад “хорь, хорь” гэсэн бодлого хэрэгжиж нэгнээ хорьж байсан бол одоо “хорь, тавь” бодлого хэрэгжиж, нэгнээ хориод тавьж байна. Үүнийг бид хэлэлцүүлье.