“Парламент-Ток” нэвтрүүлэгт оролцсон гишүүд Монгол Улсын хууль тогтоомж, шудрага ёсны талаар хэлэлцсэн байр суурийг хүргэж байна.

УИХ-ЫН ГИШҮҮН Ж.СҮХБААТАР: Би өмнөх үеэ үгүйсгэхгүй. Гэхдээ энэ удаагийн Их хурал хүнийг эрхийг хамгаалах, авлигатай тэмцэх чиглэлд бодитой хөдөлсөн гэж би боддог. Дабель стандартаар хандаж байна, зарим иргэнд хэтрүүлж арга хэмжээ авсан ч, хулгайчдаа яагаад барихгүй байгаа юм бэ гэх шүүмжлэл олны дунд байдаг. Үүний хүрээнд бид Нийтийн мэдээллийн ил тод байдлын тухай хуулийг батласан. Ингэснээр Их хурал, Засгийн газрын зүгээс бид хулгайчдыг хайцаалахгүй байна. Тэгэхээр шүүмжлэл хууль хяналтын байгууллаг дээр гараад байгаа юм.

УИХ-ЫН ГИШҮҮН С.ГАНБААТАР: Монголчууд бухимдаж байгаа. Гэхдээ хамгийн гол нь шудрага бус байдалд бухимдаж байна. Би Б.Мөнх-Эрдэнийн шүүх хурал дээр өдөржин байсан. Гэтэл түүнийг хилсээр явуулчихсан. Би цаг хугацаа байвал баримттай ярина. Би холбогдох бүх газарт захидал илгээсэн. Шүүх хараат бус байх ёстой. Би эрх баригчдаас хараат бус байх ёстой гэж боддог. Жишээ авч үзэхэд Оюутолгойн гэмт хэрэгтнүүдийг хорьсон ч одоо бүгд цагаадсан байна. Авлигад идэгдсэн юм шиг ийм байж болохгүй.

УИХ-ЫН ГИШҮҮН Д.ЦОГТБААТАР: Монголчууд өнгөрсөн 30 жилд эрх чөлөөгөө хамгаалж сурсан юм билээ. Амыг нь барих гэсэн хүн болгон сонгуульд баталгаатай ялагддаг. Тиймээс иргэдийн дуугарах эрхийг хаачихаад байгаа юм биш үү гэж харсан. Цар тахлын үеэр хөл хорио тогтоосон явдалд хамгийн түрүүнд зогсоох шаардлага тавьж байв. Тодруулбал, цар тахал намжихтай зэрэгцээд л хуулийн үйлчлэлийг зогсоохыг шаардаж байсан.