УИХ-ын гишүүн Д.Цогтбаатар, Төсвийн байнгын хорооны дарга Г.Тэмүүлэн, ХНХ-ын сайд Х.Булгантуяа, УИХ-ын гишүүн С.Ганбаатар нар “Парламент-Ток”нэвтрүүлэгт оролцож, улс төр нийгмийн асуудлаар ярилцсан.Тэгвэл энэ үеэр ярилцсан асуудлын хүрээнд гишүүдийн байр суурийг хүргэж байна.

       ХНХ-ын сайд Х.Булгантуяа: Хөдөлмөрийн зах зээлийн эрэлт, нийлэлт хоёр хоорондоо зөрчихсөн талаар 10 гаруй жил ярьж байна. Монгол Улс 2014-2015 онд хамгийн сүүлд хөдөлмөрийн зах зээлийн томоохон судалгаа хийсэн. Тухайн үед уул, уурхай салбар бий болж байсан. Одоо бид дахиад томоохон судалгаа хийж үзэх хэрэгтэй. Төр хүртэл хүний нөөцийн дутагдалд орсон.  “Шинэ сэргэлтийн бодлого” баталсан. Тэгвэл үүнд ямар боловсон хүчин хэрэгтэй, хувийн хэвшил өөрсдийн цаашдын хөгжлийг яаж харж байгаа тэр чиглэлүүд рүү боловсон хүчин хэрэгтэй байна. Тэгтэл МСҮТ зөвхөн үсчин, гоо сайхан ч бэлдээд сууж байгаа н харамсалтай. Түүний оронд хаана, ямар боловсон хүчин хэрэгтэй бэлдэх хэрэгтэй. Би ирэх жилээс МСҮТ-ийн хөтөлбөр, БЗС нь энэ чиглэл рүү ажиллах талаар судалгааны ажлыг эхлүүлнэ. Ямар боловсон хүчин хэрэгтэй байна. Үүнийг бэлдээд эхэлбэл ажилгүйдэл багасгах юм болов уу. Халамжийн бодлого зайлшгүй халамжлах ёстой хүнээ л халамжилна. Хүүхдийн мөнгө бол халамж болно гэдэг нь хүн амын 60 гаруй хувь нь халамжид хамрагдаж байна гэсэн тоон үзүүлэлт гаргаж байна. Тэгсэн мөртлөө Монгол Улсын ядуурал буурахгүй. Нэг хүнд ноогдох ДНТ таван мянган доллар давж, экспорт хоёр оронтой ам долларт хүрлээ гээд байгаа. Энэ бүгдийг харахаар манай бодлого алдаатай байгаа нь үнэн.  ХНХЯ дээр Халамжийн тухай хууль боловсруулагдаад явж байгаа. Эхлээд Нийгмийн даатгалын багц хуулиа гаргана. Иргэд нийгмийн даатгалаа төлөөд өөрийн нь баталгаа нь хангагдахгүй байгаа болохоор хөдөлмөр эрхлэх сонирхолгүй болоод байна.