УИХ-ын чуулганы нэгдсэн хуралдаан эхэллээ. Хуралдааны эхэнд Аж ахуйн нэгжийн орлогын албан татварын тухай хуульд нэмэлт оруулах тухай хуулийн төслийг хэлэлцүүлж байна.

Хуулийн төсөлтэй холбоотой гишүүд асуулт асууж, хариулт авч байна.

УИХ-ЫН ГИШҮҮН Т.ЭНХТҮВШИН: Манайд тулгамдсан асуудлын нэг нь эрчим хүчний асуудал болсон. Цаашид бид эрчим хүчний дутагдлаас гарах шаардлагатай. Алийн болгорн гаднаас эрчим хүч импортлох вэ. Тиймээс Аж ахуйн нэгжийн орлогын албан татварын тухай хуульд оруулах хуулийн төслийг дэмжиж байна. Цаашид Сэргээгдэх эрчим хүчний тухай хуульд өөрчлөлт оруулах юм уу. Сэргээгдэх эрчим хүч бид барих уу. Эдийн засгийн яам тодорхой бодлоготой болмоор байна. Жилээс жилд манайд сэргээгдэх эрчим хүч барьж өгөх саналтай гаднын хөрөнгө оруулагчид нэмэгдэж байна. Гэтэл манайх өндөр өртөгтэй гээд сэргээгдэх эрчим хүчийг дэмждэггүй. Хүрэн нүүрсийг эдийн засгийн эргэлтэд оруулахаа зогсоож байгаа.

ЭРЧИМ ХҮЧНИЙ САЙД Б.ЧОЙЖИЛСҮРЭН:  Сэргээгдэх эрчим хүчний тухай хуульд 2019 онд өөрчлөлт оруулсан. Одоо тендер зарлаад аль хямд үнэ өгсөн аж ахуйн нэгжийг шалгаруулах зохицуулалттай. Сэргээгдэх эрчим хүч нэн ялангуяа нар салхины эрчим хүчийг дэмжихэд төвийн эрчим хүчний системд хоёр хүндрэл байна. Эхнийх нь техникийнх, дараагийнх нь холбогдсон ес, холбогдох гэж буй 11 аж ахуй нэгжийн үнэ асар өндөр байна. Нарных 15 цент, салхиных дунджаар 9.4 центийн үнэтэй байна. Энэ үнээр төвийн эрчим хүч худалдан авахад санхүүгийн хүндрэлтэй. Одоо байгаа есөн сэргээгдэх эрчим хүчийг зохицуулахад ОХУ-аас зохицуулалт хийж ирсэн.