Хууль зүй дотоод хэргийн сайд Х.Нямбаатар 5Ш ажиллагааны талаар мэдээлэл өглөө. Тэрбээр “Засгийн газрын шийдвэрээр хэд хэдэн ажлын хэсэг ахалж ажиллаж байгаа. 2023 оныг Засгийн газраас авлигатай тэмцэх жил болгон зарласан. Үүний хүрээнд шувуу ажиллагааг би ахалж ажиллаж байна. Хэрэг бүртгэл мөрдөн байцаалтын ажлыг хэвийн үргэлжлүүлэх зорилготой. 92 хүний асуудлыг танилцуулж байсан болон бусад төрлийн гэмт хэрэг үйлдэж, оргон зайлсан 127 хүнийг шувуу ажиллагааны хүрээнд тасралтгүй эрэн сурвалжлах, эх оронд нь авчирна. Үүний дагуу төлөвлөгөө гаргасан. Авлигатай тэмцэх шувуу ажиллагааны хүрээнд улаан буланд 20 хувь, хөх буланд 70 хувь нь байна. Зургадугаар сард 42 хүн олж, таван хүнийг Монголд авчирсан. Сайн дураараа хэргээ шалгуулахаар 12 хүн ирсэн. 10 орчим хүн авчрахаар бэлтгэл ажил хангаж байгаа. Эрүүгийн хэрэгт холбогдох дөрвөн иргэний хэргийг шүүхэд шилжүүлсэн. Интерполын улаан буланд бүртгэгдсэн хүмүүсийн гадаад паспортыг хүчингүй болгосон” гэлээ.