Засгийн газраас өргөн мэдүүлсэн Үндсэн хуулийн нэмэлт, өөрчлөлтийн төслийг УИХ-ын чуулганы нэгдсэн хуралдаанаар хэлэлцүүлэн батласан билээ. Үндсэн хуулийн өөрчлөлтөөр УИХ-ын гишүүний тоог 126 болгож, 48-ыг нь жагсаалтаар, 78-ыг нь тойргоос сонгохоор хуульчилсан билээ.

   Тэгвэл Үндсэн хуулийн өөрчлөлтийн төслийг өнөөдөр УИХ-ын дарга Ерөнхийлөгчид өргөн мэдүүлэхээр болжээ. Ерөнхийлөгчид хуулийн төслийг өргөн мэдүүлснээр хориг тавих бүрэн эрх хэрэгжинэ. Ерөнхийлөгч Үнлдсэн хуулийн төсөлд хориг тавилгүй ёсчилсон бол тухайн хуулийн төсөл хэрэгжиж эхлэх хуулийн зохицуулалттай. Засгийн газраас Үндсэн хуулийн төслийг өргөн мэдүүлэхээс өмнө Үндсэний аюулгүй байдлын зөвлөлөөр хэлэлцүүлэн УИХ-д өргөн мэдүүлсэн. Тиймээс Ерөнхийлөгч, УИХ-ын дарга, Ерөнхий сайд нар Үндсэн хуулийн төсөл дээр нэгдсэн байр суурьт хүрсэн гэж үзэж байгаа юм.