Үндсэн хуульд нэмэлт өөрчлөлт оруулах хуулийн төслийн эцсийн хэлэлцүүлгийг УИХ-ын чуулганы өнөөдрийн нэгдсэн хуралдаанаар хэлэлцэж байна.

     Энэ үеэр УИХ-ын гишүүн Ц.Даваасүрэн “Бид түүхэн хариуцлагатай шийдвэрийг гаргах гэж байна. Гэхдээ манай тойргийнхон ҮХНӨ-ийг дэмжихгүй гэдгээ илэрхийлсэн. Мөн намын жагсаалтыг ч дэмжихгүй гэсэн. Учир нь, намын жагсаалтад олонд нэр хүнд муутай, янз бүрийн хэрэг төвөгт холбогдсон, сонгогдох боломжгүй улстөрчид гарч ирнэ гэж үзэж байна. Тиймээс тойргийнхоо сонгогчдийн саналыг үндэслэн миний хувьд Үндсэн хуулийн өөрчлөлтийг дэмжих боломжгүй гэдгээ хэлмээр байна. Тойргийнхон маань дэмжихгүй гэдгээ илэрхийлж байхад би дэмжинэ гээд сууж байж таарахгүй. Нөгөөтээгүүр, одоогийн парламент бол харьцангүй Ардчилсан парламент гэж би боддог" гэлээ.