МАН-ын бүлгийн хуралдааны үеэр Сангийн сайд Б.Жавхлан мэдээлэл өгөх үеэрээ сэтгүүлчийн асуусан асуултад хариуллаа.

-Эдийн засаг 7.9 хувиар өссөн үзүүлэлттэй байна. Төсөвт тодотгол хийснээр энэ өсөлт хадгалагдаж чадах уу?

            -Макро эдийн засгийн  тэнцвэр хангагдсан. Дунд болон урт хугацааныхаа суурийг бүрэн тавьсан гэж хэлэхэд эрт байна. Гэхдээ өсөлт бий болж байгаа бол ард иргэд, өрхийн орлогын түвшинд жигд хуваарилах бодлогоо орхиж болохгүй. Аль алийг нь тэнцвэртэй авч явах ёстой юм. 2023 оны төсвийг батлахдаа бид оны төгсгөлд инфляцын түвшнийг нэг оронтой тоонд оруулах зорилт тавьсан. Нүүрсний экспорт наймдугаар сараас эргээд нэмэгдэнэ. Тийм учраас бид цаашдаа эдийг засаг тогтвортой өснө гэж харж байгаа. Хэдий бидэнтэй өрсөлдөх улс олширсон ч  манайх сайн чанартай, бага өртгөөр нийлүүлдэг учир боломж байна.