Засгийн газрын ээлжит хуралдаан боллоо. Хуралдаанаар Завхан болон Хөвсгөл аймгийн засаг дарга нарыг ажлаас нь  чөлөөллөө.

   Учир нь Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 64.2.5. 65.1.3 буюу  хууль тогтоомж, Засгийн газрын шийдвэр болон Ерөнхий сайд, дээд шатны засаг даргын үүрэг даалгаврыг хангалтгүй биелүүлсэн гэж үзжээ. Мөн салбарын үйл ажиллагааг жигд биелүүлээгүй гэж үзэн Хөвсгөл аймгийн засаг дарга  Ш.Идэрбаясгалан, Завхан аймгийн засаг дарга Д.Түвшинжаргал нарыг албан тушаалаас нь огцруулах Засгийн газрын  шийдвэр гарлаа.

 Хөвсгөл аймгийн засаг даргын үүргийг  түр орлон гүйцэтгэхийг засаг даргын орлогч  М.Хуягбаатарт даатгалаа. Мөн Завхан аймгийн засаг даргын үүргийг  түр орлон гүйцэтгэхийг засаг даргын орлогч  Ш.Мянганбаярт даатгалаа.