Цахим хөгжил харилцааны холбооны сайд Н.Учрал Засгийн газрын шилэн ажиллагааны хүрээнд нийслэлийн Засаг дарга нарын олгосон газрын талаарх 36.985 мэдээллийг шилэн болгож буйг мэдээллээ.

    Тэрбээр “Өнөөдөр Нийтийн мэдээллийн ил тод байдлын тухай хуулинд заасан 68 төрлийн мэдээллийг ил тод болгох үүрэгтэй байдгаас газар зохион байгуулалт ерөнхий төлөвлөлт гэсэн мэдээлэл нээлттэй байхаар тусгагдсан. Мөн Газрын кадастрын зураглал болон газрын кадастрын тухай хуулийн 16.5-т зааснаар газрыг улсын бүртгэлийн мэдээлэл хуульд хориглосноос бусад байдалд нээлттэй байхаар заасан. Үүний хүрээнд нийслэлийн засаг дарга нар хэн, хаана, хэрхэн, ямар хэмжээ зориулалтаар газар олгосон тухай 2000 оны нэгдүгээр сарын 1-нээс 2020 оны арванхоёрдугаар сарын 31-ны түүх баримтыг Shilen.gov.mn сайтад ил тод болголоо. Үүнд,

      Газар эзэмших, ашиглах эрх олгосон 14954, эрхийн гэрчилгээний талбай зориулалт өөрчилсөн 6329, эрхийн гэрчилгээ шилжүүлсэн 8525, эрхийн гэрчилгээний хугацаа сунгасан 7150, нийт 36.958 захирамжийг нээлттэйгээр өнөөдөр байршуулж байна. Та бүхэн регистрийн дугаараар нь Shilen.gov.mn сайтаас хайх бол бүх мэдээллийг нэг дор харах боломжтой.

             Ингэхдээ нийслэл, аймаг, сумын Засаг дарга нарын олгосон газрууд өнөөдөр нээлттэй болсон. Шилэн индексийн хувьд өнгөрсөн хугацаанд аймгийн мэдээлэл нэмэгдсэн, Ховд аймаг цахимжилт бий болгоход идэвхтэй ажиллаж мэдээлэл нэмэгдсэн байна. Говь-Алтай аймаг хаалттай хэвээр үргэлжилж байна. Яамдуудын үзүүлэлт дундаж байна. Дүүргийн удирдлагууд шилэн ил тод байдалд хойрго хандаж байгааг хэлье. Ил болгосон дарга нарын газруудаас зориулалтыг өөрчилсөн газрууд багагүй байна. Тухайлбал, Нийслэлийн Засаг дарга тухайн үедээ ногоон байгууламж барьна гээд захирамж гаргасан байтал түүнийг бусдад арилжаалаад газраа зарчихлаа гэхэд дахиад тухайн хотын дарга захирамж гаргаад шинэчилж захирамж гаргадаг. Гэтэл тухайн үед зориулалтыг нь өөрчилсөн тохиолдол багагүй гардаг. Бид өнгөрсөн хугацаанд газрын төлбөрүүдийг олгосон.

      Жишээ нь, тухайн иргэн, аж ахуй нэгж газрыг эзэмшиж байхдаа газрын төлбөрийг цаг хугацаандаа төлж байгаа эсэхт мөн хяналт тавих боломжтой. Шилэн ажиллагааны гол зорилго бол бид эдгээр мэдээллийг ил болгосноороо ниргэсэн хойно нь хашгирдаг байдлыг таслан зогсоох юм. Олон нийтэд мэдээлэл нээлттэй ил тод болохоор цаашид замбараагүй газар олголт өгөх нөхцөл байдал үүснэ. Өнгөрсөн хугацаанд бид нууц гээд хэн ч хянаж чаддаггүй байсан. Цаашид бид дүүргийн  үе үеийн дарга нарын мэдээлэл болон сүүлийн хоёр жилийн мэдээллийг энэ долоо хоногт багтаагаад дуусгаж, ил болгоно" гэв.