УИХ-ын гишүүн Ш.Адьшаа цаг үеийн асуудлаар мэдээ хийлээ.

   Тэрбээр “Эрдэнэс Тавантолгой ХК-ийн төрд эзэмшүүлсэн 1072 хувьцааг иргэдэд буцаан эзэмшүүлэх тогтоолын төслийг Их хуралд өргөн барьж байна. Монголын төр иргэддээ өмчтэй байлгах асуудал төрийн тэргүүн бодлого байх ёстой. Эрдэнэс Тавантолгой ХК-ийн 1072 хувьцаа олонд асуудал дагуулж байна. Анх 2010 оноос хойш иргэдэд олон хувилбараар эзэмшүүлнэ ярьж эхэлсэн. Иргэд хувьцаа эзэмшиж байгаа юм шиг, эзэмшүүлэх юм шиг, ногдол ашиг олгохгүй байгаа эргэлзээтэй асуудлууд үүсээд байгаа. 300 гаруй мянган иргэний хувьцааг төр өөрсдөө худалдаж авсан байдаг. Энэ хувьцааг иргэдэд буцаагаад эзэмшүүлье. Энд ямар нэг хөрөнгө мөнгө шаардахгүй. Эрдэнэс Тавантолгойн ногдол ашгаас иргэдэд буцаан олгож болно. Ингээд иргэн бүр 1072 хувьцаатай болж, бүгд байгалийн баялгаасаа хүртэх боломжтой” гэлээ.