Үндсэн хуулийн нэмэлт өөрчлөлтийн төслийг ЗГХЭГ-ын дарга Д.Амарбаясгалан, ХЗДХ-ийн сайд Х.Нямбаатар нар УИХ-ын даргад өргөн барьж байна. Энэ үеэр “Засгийн газрын ээлжит хуралдаан болж, Монгол Улсын Засгийн газарт өгсөн үүргийн дагуу Үндсэн хуулийн нэмэлт өөрчлөлтийг өргөн мэдүүллээ. Уг саналд УИХ нэг танхимтай, УИХ-ын гишүүдийн 76 нь мажоритар, 76 нь порпорцинал аргаар сонгоно хэмээн өөрчлөх саналыг Засгийн газраас өргөн мэдүүллээ. Монгол Улсын Үндсэн хууль бол хүн амын эрх ашиг, урт хугацааны хөгжлийг хангах үндсэн үүрэгтэй. УИХ, ЗГ буюу гүйцэтгэх засаглал, шүүх засаглалын харилцааг зохицуулдгаараа хүн бүрийн амьдралд хамааралтай. Монгол Улсын хөгжил, хүний хөгжил амжилттай түвшинд хүрээгүй байна гэдгийг улс төрийн нам, Засгийн газар, ард иргэдийн зүгээс ярьдаг. Сонгуулийн тогтолцоог өөрчлөх, тоог нэмэх саналыг боловсруулж байгаа нь иргэдийн болоод улс эх орны хөгжилтэй холбоотой” гэлээ.